الرئيسية / إبداع / جودة سالم تكتب : كله طلع كابوووس
جودة سالم

جودة سالم تكتب : كله طلع كابوووس

تخيلت يوم إن الوضع ممكن يتغير، والسادة الوزراء يهتموا بالشعب الفقير

فى القرى أو حتى المدن، وتقريبا ..

كله طلع كابوووووووووووس

(1)

أهلا يا وزير أهلا يا وزير

بيقولوا إنك جى حدانا

هتراضى الناس التعبانة

ونلاقى العيشة بقت معدن

ولا فيه مكلوب ولامرضانة

وشعارك فيه إنجاز وضمير 

 أهلا يا وزير أهلا يا وزير.

(2)

الأرض الصحرا هتتخضر

والورد حدانا  يفوح. يكبر

ونشم نسيم حلو. معطر

وتزيد النهضة الصناعية

الاسفلت أهو قدام البيت

والمترو هيوصل جمب الغيط

وشوارع مرصوفة وفاضية

عربيتى خلاص من غير تخبيط

واللتر يكفى الوردية

وهترسم ضحكة لكل الناس

وتجيب جناحات وتقول هنطير

أهلا يا وزير أهلا يا وزير

(3)

بيقولوا إن إنت عملت رجيم

دا قرار مضبوط مدروس وحكيم

وقالولنا كمان إنك  هتجيب

مسئول الصحة مع التعليم

هتلاقى طابور رايح مش جى

واقف على راسه رئيس الحى

اللى لا بنشوفه ولا بنعرف

غير إنه عمره ما شاف الضى

ورئيس الوحدة أبو كرش كبير

أهلا يا وزير أهلا يا وزير

(4)

الميه عشانك تنعبى

جوه الكراتين

مرصوصة أزايز وأزايز

جايه من العين

والميه العكرة مهيش لينا

ولا حتى تفوت على مواشينا

الدنيا معاك هتكون جنة

ونشبع م الخير

أهلا يا وزير أهلا يا وزير

(5)

معلهش يا عالم سمحونى

أنا نمت وغمضت عيونى

واللى أنا بحكيه أصله مكنشى

ولا حتى هيحصل فى ظنونى

متأكد إنى بشوف تخاريف

وتملى تجيينى بشكل مخيف

بيقولوا وزير هيزور قرية

ويعطل نفسه بشعب فقير ؟؟؟؟؟

أهلا يا وزير أهلا يا وزير

Print this pageShare on Facebook0Email this to someoneShare on Google+0Tweet about this on TwitterShare on LinkedIn0

عن سيد بدرى

سيد بدرى

شاهد أيضاً

الجمعية المصرية لشباب الأعمال تكرم الإعلامية “دينا عبد الفتاح” بمناسبة اليوم العالمي للمرأة

كرمت الجمعية المصرية لشباب الأعمال برئاسة أحمد مشهور، الإعلامية دينا عبد الفتاح، رئيس “منتدى الخمسين” …

مركز الرواد للتحكيم الدولى يقيم أضخم مؤتمر بالشرق الأوسط للوسائل الدبلوماسية لفض المنازعات الدوليه بشرم الشيخ

وليد البدرى ينظم مركز الرواد للتحكيم الدولى بالشرق الأوسط مؤتمراً حول الوسائل الدبلوماسية لفض المنازعات …

أضف تعليقاً